ATANIN GÖZ YAŞI QƏLBİNƏ AXIR!

Çəkir   ürəyində    dərdi   gizlicə ,
Atanın   göz    yaşı   qəlbinə   axır !
O   fikir   edəndə   sevinim   nece ,
Atanın   göz   yaşı   qəlbinə   axır !


                              Atamın   qəlbində   çəkdiyi    ahı ,
                              Düyanda   ürəyim   çalır  segahı ,
                              O   min   zəhmətlə   qurur   sabahı ,
                              Atanın   göz    yaşı   qəlbinə   axır !


Yaqutam ,  ay   ata ,  sənsən   nəfəsim ,
Sevincim ,  həyatım ,  ömrüm , həvəsim ,
Dünyada   sağlığın   bəsimdi , bəsim ,
Atanın   göz   yaşı  qəlbinə   axır !



                                    YAQUT    HÜSEYNOVA

                                       

SƏFƏRBƏRLİK NƏĞMƏSİ.

Ağlayır    yurdumun   daşı - qayası ,
Od   vurur    ürəyə   həsrətin   yası ,
Alınsın ,  xalqımım   daha   qisası ,
Birləşın ,  igidlər ,  qisas   günüdür !


                            Birlik   yox   edəcək   gözlərin   nəmin ,
                            Cəlladı   olacaq   kədərin ,  qəmin ,
                            İşıqlı   sabaha   edəcək   əmin ,
                            Birləşin ,  igidlər ,  qisas   günüdür !


Tarixi   unudub   olduq   unutqan ,
Onunçun   torpağı   yudu   nahaq   qan ,
Yumruğa   çevrilib , güc   alaq   haqdan ,
Birləşin , igidlər , qisas   günüdür !


                           Uymuşuq ,  millətim ,  şirin   dillərə ,
                           Dözmüşük    nə   qədər    biz   itkilərə ,
                           Verməyək , el   varın   çirkin   əllərə ,
                           Birləşin , igidlər , qisas   günüdür !



                                                    YAQUT    HÜSEYNOVA   

VƏTƏN - SƏRHƏDDƏN BAŞLAYIR!

Qoru ,  sərhədini   göz - bəbəyin  tək ,
Sərhəddən  başlayır  anamız  VƏTƏN !
Təbrizdən , Şuşadan   Borçalıyadək ,
Sərhəddən  başlayır  anamız   Vətən !


                  Sərhəddən   başlayıb ,  sərhəddə   bitir ,
                  Dünənim ,  bü   günüm ,  bir  də   sabahım ,
                  Türk   oğlu ,  döyüşdən  zəfərlər   gətir ,
                   Cəngini   mizraba   alsın  kamanım .


Kaş  azad   olaydım   küləklər   kimi,
Sərhəd   tanımazdı   yolum ,  cığırım .
Çapıb  eldən - elə    mən   kəhərimi ,
Yer  üzün  dostluğa ,  sülhə  çağırım !


                   Alıb  məktubunu  Göyçə   gölünün ,
                   Masmavi   Xəzərə  yetirəydim   mən .
                   Adlayıb   keçdiyim  Vətən  çölünün ,
                   Tikanın   qəlbimdə   bitirəydim   mən.


Alıb   külüngünü   qalx ,  bu   dağlara ,
Quzğunun   yuvasın   dağıtmaq   gərək !
Torpağı   yadlara  satan  kəslərin ,
Qanın   su    yerinə   axıtmaq   gərək !


                    Qoru ,  sərhədini   göz - bəbəyin  tək ,
                    Sərhəddən  başlayır  anamız  VƏTƏN !
                    Təbrizdən , Şuşadan   Borçalıyadək ,
                    Sərhəddən  başlayır  anamız   Vətən !




                                               YAQUT   HÜSEYNOVA
                     

QÜRÜB ETMƏ...

Dünya   sənin   əsirindi ,
Qürub   etmə ,  ey  günəşim !
Dolanır   yer ,  göy   başına ,
Qürub   etmə , ey   günəşim !


               Qürub   etdi   Nəsimilər ,
               Torpaq   qədrin   igid   bilər ,
               Əlim   Ayın   gözün   silər ,
               Qürub  etmə ,  ey   günəşim !


Gecə    yandın   ulduz - ulduz ,
Laylan    baldı ,  gah  da   ki   duz ,
Ular    bayquş ,   ular  quduz ,
Qürub   etmə ,  ey  günəşim !



                                           YAQUT    HÜSEYNOVA            

YOLLARA DİKİLƏN GÖZLƏR...

Nə  idi   günahım ,  söylə ,  ay   ana ,
Körpələr   evinə   atanda   məni !
Duydunmu ,   görəsən ,  vicdan  əzabın ,
Körpələr   evinə   atanda   məni !


               Könlümü   almadı   atamın   səsi .
               İsitdi    canımı   özgə   nəfəsi ,
               Qəlbimdə  sevincə   qurdun   qəfəsi ,
               Körpələr   evinə   atanda  məni 1


Mənə   sığal   çəkdi   neçə   yad   əllər ,
Beləcə   böyüdüm ...  Ötüşdü   illər ,
Sənə   lənət   deyib   qınadı  ellər ,
Körpələr    evinə   atanda  məni !


               Dünyanı   hər  rəngdə   çəkdi  Yaradan ,
               Seçməyi   bacaraq   ağı - qaradan ,
               Qan   sızdı   qaysağı   qopan   yaradan ,
               Körpələr    evinə   atanda  məni !


Beynimdə   dolaşır   nə  qədər   sual ,
Göylər  də  susubdu ,  dayanıbdı   lal ,
Qəlbimdə   əzabdan   naxışladın   xal .
Körpələr   evinə  atanda   məni !


             Gözlərim   söylədi   hekayətimi ,
             Nəğməmdə   gizlədim   şikayətimi ,
             Törətdin   ən   ağır   cinayətini ,
             Körpələr   evinə    atanda  məni !


Ümiddən   sabaha  yollar   salmışam .
O   yollar    üstündə   azıb   qalmışam ,
Balaca   olsam  da ,  hey  qocalmışam ,
De ,  niyə ,  tək   qoydun   cahanda  məni !


          Neçə    aylar   ötüb    dönübdü   ilə .
          Yəqin    unutmusan    adımı    belə ,
          Fələklər   ağladı ,  sən    gülə - gülə ,
          Körpələr   evinə    atanda   məni !


Gecələr    səssizlik    laylamı   çaldı ,
Küləklər   can  deyib ,  qadamı   aldı ,
Alovlu   fəryadım   ərşə   ucaldı ,
Körpələr    evinə   atanda   məni !


         Sanırdım ,  mən   idim   arzun ,  diləyin,
         Sanırdım ,  mən  idim    sevgi   mələyin ,
         De ,  heç   sızladımı , ana ,  ürəyin ,
         Körpələr   evinə   atanda   məni !


Açdım   əllərimi    göylərə   sarı ,
İnlədi   yenə  də    ruhumun    tarı ,
Getdiyim    cığıra    yağdırdın    qarı ,
Körpələr    evinə   atanda   məni !


           TANRI   rzasına , qayıt     geriyə ,
           Son    qoyaq .  həsrətə ,  qəmli   hər   şeyə ,
           Səni   arzuladım ,  dön  deyə - deyə ,
           Körpələr    evinə   atanda   məni !
           Səni   arzuladım ,  dön  deyə - deyə ,
           Körpələr    evinə   atanda   məni !




                                                     YAQUT    HÜSEYNOVA

TƏKİ , VƏTƏN SAĞ OLSUN !

Türkük ,   budur   arzumuz ,
Təki , VƏTƏN  sağ  olsun !
Azad   səma   altında ,
Təki , VƏTƏN  sağ  olsun !


                       Nəsimi   tək   soyulaq ,
                       Gözümüzdən   oyulaq ,
                       Məzara   biz  qoyulaq ,
                       Təki , VƏTƏN  sağ  olsun !


Əfsanədir   yer  üzü ,
Həm   yalanı ,  həm  düzü ,
Şəhidlərin    son   sözü :
- " Təki , VƏTƏN   sağ   olsun ! "


                     Olub   Fərid , Mübariz ,
                     Zəfər   marşın    çalaq  biz,
                     Varkən ,   yoxuq   VƏTƏNSİZ ,
                     Təki , VƏTƏN   sağ   olsun !
                     Varkən ,   yoxuq   VƏTƏNSİZ ,
                     Təki , VƏTƏN   sağ   olsun !




                                          YAQUT    HÜSEYNOVA

HƏKİM ÜLVİYYƏTİ

Həkim   ürəyinin   saf    döyüntüsü ,
Əlini   daha   da  şəfalı   edər .
Qalxarsa   mərminin   göyə   tüstüsü ,
Yaralı  əsgərə   köməyə   gedər .


                           Xəstəni    həyata   qaytarınca   o ,
                           Keçirir    nə   qədər    qorxu ,  həyəcan .
                           Tanrıdan   çox   ömrə   güc   alınca  o ,
                           Ümiddən   yol   çəkir  Gündən - Ayacan .


Çox   vaxt   oyaq    qalıb    bütün   gecəni ,
Yorulmuş   gözünü   belə   qırpmayır .
Xəstəsi  olarsa ,  əgər  düşməni ,
HƏYATIN  qapısın  üzə   çırpmayır !
Xəstəsi  olarsa ,  əgər  düşməni ,
HƏYATIN  qapısın  üzə   çırpmayır !



                                                             YAQUT    HÜSEYNOVA

MÜƏLLİM ÖMRÜ .

Peyğəmbər    varisi ,  deyilir   sizə ,
Həyatın   baharı   sənsən ,  müəllim !
Vətəni   sevdirdin   hər   birimizə ,
Vətənin   vüqarı    sənsən ,  müəllim !


                               Elmə   can   verməyi   öyrətdin   bizə ,
                               Duydum  ki , bu   dostluq   vəfalı   imiş .
                               Zəhmətin   ağ   qarı   çixsa  da   dizə ,
                               Cənnətdən   min   dəfə   səfalı   imiş .


Müəllim   dünyanı   haqqa   çağırsa ,
Yer  üzü   dörd   əlli   ona   səs   verər .
Nadan   silahından   güllə    yağarsa ,
İNSANLIQ   bağına   o   nəfəs   verər !



                                                          YAQUT     HÜSEYNOVA

ELDƏN XƏBƏRSİZ .

Qərənfil    açıldı    sevgi   bağında ,
Ayrılıq   gətirən   yeldən   xəbərsiz !
Bir   durna   inləyir   çölün   düzündə ,
Səfərdən   qayıdan   teldən   xəbərsiz !


                       Yaqutam ,  a  dünya ,  torpağım   üstə ,
                       Çiçək   tək   bəslərəm ,  tikan   bitsə   də ,
                       Çoxunun   dilində   Vətən   bitsə  də ,
                       Ürəyi     Vətəndən ,  eldən   xəbərsiz !




                                               YAQUT     HÜSEYNOVA    

GÖZLƏRDİR - ÜRƏYİN DANIŞAN DİLİ!

Nə   acı ,  nə    şirin     sözə    inanma ,
Gözlərdir - ürəyin   danışan   dili !
Saxtakar    dünyanın    halına   yanma ,
Gözlərdir - ürəyin    danışan   dili ! 

                          
                   Gözlər    var ,   namərdi    önündə    əyər ,
                   Gözlər     var ,  acizdir ,   ancaq   göynəyər ,
                   İnsanın    iç    üzün   açıb    söyləyər ,
                   Gözlərdir - ürəyin    danışan    dili !

      
Qəmi     unudanın     sevinci    olmaz ,
Bu     dünya   nə    mənə ,  nə   sənə    qalmaz ,
Ürəkdən    su    içir ,   səbəbsiz      dolmaz ,
Gözlərdir - ürəyin     danışan   dili !
Gözlərdir - ürəyin    danışan    dili !  


     

                                                           YAQUT  HÜSEYNOVA