İNSAN ALVERİ - BEYNƏLXALQ CİNAYƏTDİR !

 

 " İnsan    alveri      sahəsində     maarifləndirmə    və    hüquqi     yardım    
təşəbbüsü "    layihəsi     çərçivəsində    bu    günlərdə    Şirvan    şəhər
İcma    Məlumat    Mərkəzində    təlim    keçirildi .  Tədbiri    giriş    
sözüylə     açan     Amerika    Hüquqşünaslar    Assosasiyasının    Bakı
ofisinin     hüquqşünası     Günel     Quliyeva    layihə     barəsində    
iştirakçıları     məlumatlandırdı .  Natiq    bildirdi    ki ,   Amerika
Hüquqşünaslar    Assosasiyası   (  ABAROLİ  )     ABŞ    Dövlət
Departamentinin    maliyyə    dəstəyilə    Azərbaycanda    " İnsan
Alveri     sahəsində    maarifləndirmə   və    hüquqi     yardım   
təşəbbüsü "    layihəsini     həyata    keçirir .  İki     il     davam
edəcək    bu    layihənin     əsas    məqsədlərindən    biri    insan
alveri    mövzusunda    əhali ,  xüsusilə    qadınlar ,  uşaq    evləri
və    internatlarda    olan     uşaqlar     arasında    maarifləndirmə
tədbirlərini    keçirməkdir .  Əhaliyə     hətta    insan     alveri    
sahəsində    hüquqi     yardımın    göstərilməsi     də    nəzərdə
tutulub .  Regional     təlimlər    və     hüquqi     yardım ,  
Hüquqşünas     Qadınlar     Assosasiyası    və     İnsan
Hüquqları    üzrə    Hüquqşünaslar     Komitəsi    ilə    birgə
həyata     keçirilir .  Günel     Quliyeva     onu     da    vurğuladı
ki ,  insan    alveri ,  xüsusilə    qadın    və    uşaq    alveri ,   bütün
ölkələrin    bu    gün    qarşılaşdığı     qlobal     problemdir .  Hər    il
milyonlarla     insan      aldadılaraq ,  satın      alınaraq ,  digər
şəkildə     məcbur     edilərək   istismara     məruz     qalır .  Və
cinayətkar     " Biznes "     üçün     gəlir     mənbəyi     rolunu    
oynayır .  Qeyd     edək     ki ,   insan     alverindən    əldə     olunan
gəlir     milyardlarla     dollarla     ölçülür .  Geniş     yayılmış    bərabərsizlik
problemi ,  iş    imkanlarının    azlığı ,  münaqişələr ,  ayrı - seçkilik      və
yoxsulluq     ucbatından    hər     il     dünyada    insan    alverinin    
potensial   qurbanlarının     sayı     artır .
     İnsan     alveri     probleminin    müxtəlif     aspektləri ,  əsas    element   
və    növləri ,  xüsusən     uşaqlarla    bağlı     olduqda    insan   alverinin
xüsusiyyətləri ,  qurbanları     cəlbetmə     yolları ,  stereotiplər    haqqında
" Təmiz   Dünya "    təşkilatının     eksperti     Mehriban     Zeynalova
iştirakçılara     geniş    məlumat    verdi .
    İnsan      Hüquqları     üzrə     Hüquqşünaslar     Komitəsinin    vəkili
Şəfa      Camalzadə     insan    alverinə    qarşı    mübarizənin    məqsəd
və     prinsipləri ,  mübarizə    üzrə    milli    fəaliyyət    planı    və   bu
planın      vəzifələri ,   insan     alveri     qurbanlarına      kömək    fondu
sığınacaqlar ,  yardım    mərkəzləri ,  qurbanların    sosial
reabilitasiyası     və     reinteqrasiyası      mövzusunda    önəmli
məqamları    diqqətə    çatdırdı .
     Təlimin      sonunda    iştirakçılara     sertifikatlar     təqdim    olundu .

      

                                 YAQUT     HÜEYNOVA

ŞƏHİDLƏR ÖLMƏZ , VƏTƏN BÖLÜNMƏZ !

    

    Şirvan     şəhər     16     saylı    orta     məktəbin     müəllimi     Mehriban    
Həsənlinin     " Qəhrəmanlıq    və    Şöhrət    gecəsi "   layihəsinin   növbəti
ünvanı     Beləsuvar    rayonunun    Əliabad    kəndindəki    Milli    
Qəhrəman    Mübariz     İbrahimovun    adını    daşıyan    orta   
məktəb   oldu .  İgid   vətən   oğlunun    əziz     xatirəsinə   həsr    
olunmuş   bu   layihə  şagirdlərin  ifasında  məktəb    kollektivinə   
təqdim   olundu . Qonaqlar  öncə   məktəbin  foyesində   Mübariz   
İbrahimovun    əziz    xatirəsini    əbədiləşdirən    sərgiylə    tanış   
oldular . Sərgidə  qəhrəmana  həsr   olunmuş   kitablar ,  şəkillər ,  
Mübarizin  qiymət  cədvəlləri ,  eyni    zamanda   şəhidin   oturduğu   
parta  hər  kəsi  dərin  sükuta   qərq   etdi .
      Tədbirdə    Şirvan   şəhər   " SEVİL "   qadınlar   cəmiyyətinin  sədri
Əzizə    Məmmədova    səmimi    münasibətə   və    layihəni     diqqətlə
izlədiklərinə    görə   məktəb    kollektivinə   dərin   minnətdarlığını
bildirdi .   "  ŞƏHİDLƏR   ÖLMÜR ,  XALQIMIZIN   QƏLBİNDƏ  
DAİM   YAŞAYACAQ .  ONLAIN   QARŞISINDA   BAŞ   ƏYİRİK " ,  
deyən ,   Əzizə    xanım     onu    da    qeyd    etdi    ki ,  qəlbi    VƏTƏN
üçün    manqal    tək   yanan    Mübarizin    ömür    yolu    bütün    
gənclərimizə    ən    gözəl    örnəkdir . 
      Qonaqların    gəlişini    təqdirəlayiq    hesab   edən   Əliabad    kənd
orta    məktəbin    direktoru   Bəsirə   Rüstəmova   şagirdiylə   bağlı 
xatırələrini     iştirakçılarla     bölüşdü .  Natiq     göz     yaşlarını   da
gizlədə    bilmədi .  Bildirdi    ki ,  Mübariz    çalışqan ,  məsuliyyətli ,
diqqətli    və    həssas    olmaqla     yanaşı ,   əsl    vətənpər    idi .
Bəsirə  xanımın   sözlərinə  qüvvət   verən   Mübariz   İbrahimovun
sinif    rəhbəri    Əhliman    Quliyev   də    şagirdi   haqqında   
ürəkdolusu     danışdı .
      Tədbirdə    Şirvan    şəhər   21  saylı   orta  məktəbin  direktoru 
Səadət    Quliyeva ,  şairə   Mehriban   Həsənli ,  Şirvan   OYL - un
nümayəndəsi    Zemfira   Məmmədova   və    jurnalist   Yaqut
Vafiqqızının   çıxışları   dinlənildi .
      Sonda    şəhidin   xalası  Şükufə  Quliyeva   nümayəndə  heyətinə
dərin   minnətdarlığını    bildirdi .

                              YAQUT     HÜSEYNOVA 

" HEÇ KİM UNUDULMUR , HEÇ NƏ YADDAN ÇIXMIR ! "

ŞİRVAN  ŞƏHƏR   '' SEVİL ''  QADINLAR   CƏMİYYƏTİNİN

SƏDRİ ,    DÖVLƏT   TƏRƏFİNDƏN   " TƏRƏQQİ "  MEDALIYLA

TƏLTİF  OLUNMUŞ    QABAQCIL  MÜƏLLİM  

ƏZİZƏ  XANIM  MƏMMƏDOVA .   

  
      ŞİRVAN  ŞƏHƏR   '' SEVIL ''  QADINLAR  CƏMİYYƏTİNİN  ALBOMU.



                                                             YAQUT   HÜSEYNOVA

" AND YERİMİZ , VƏTƏNDİR ! "

" N "  saylı   hərbi   hissədə   Şirvan  şəhər   " SEVİL "  qadınlar   cəmiyyətinin   
və   16  nömrəli   tam  orta   məktəbin    xəttilə   reallaşan  tədbirdə   şəxsi   heyət    
vətənə , xalqa   sədaqətlərini  bu   sözlərlə   ifadə   etdilər .  O   gün   hərbi   hissədə
Milli  Qəhrəman   Mübariz    İbrahimovun   əziz   xatirəsinə    həsr   olunmuş   
" ŞƏRƏF   və   QƏHRƏMANLIQ   GECƏSİ "   adlı   layihə  əsgər   və   zabitlərə   
təqdim   olundu .  Hərbi    hissədə   gördüklərimiz   bir   daha   sübut   etdi   ki , 
Azərbaycan   ordusu   getdikcə   güclənir .  Daha   da   mətinləşir   və   ordu    
quruculuğunun   beynəlxalq    standartlara    uyğun    şəkildə   formalaşdırılması ,  
inkişaf   etdirilməsi    daim   dövlətin     diqqqət    mərkəzindədir .
      Azərbaycan   Respublikasının   dövlət   himninin   sədaları   altında   üç   
rəngli    bayrağımız   tribunanın     önünə   gətirildi .  Sonra    tədbirin   bədii   
hissəsi   açıq   elan   olundu .  Məktəblilərin ifasında   vətən ,  ordu ,  mərdlik ,  
igidlik ,  əsgər   şücaəti ,  yenilməzlik ,  şəhidlik   və   qəhrəmanlıq haqqında   şeir    
və   mahnıların     səsləndirildiyi    proqramda   vətənpərvərlik    nidalı   səhnəciklər 
hər    kəs   tərəfindən   böyük    rəğbət   və    alqışlarla    qarşılandı .
    " İndi    Azərbaycanın    öz   torpaqlarını   qorumaq ,  düşmən   əsarətində   olan    ərazilərimizi    azad    etmək    iqtidarında    olan    nizami ,   güclü   ordusu   var. "   
deyən ,  Şirvan    şəhər   " SEVİL "    qadınlar    cəmiyyətinin     sədri    Əzizə    
Məmmədova    bir   ana    kimi    gənc   döyüşçülərə    vətən   qarşısında    əsgəri    
borclarına   sonadək   sadiq   olmalarını   arzuladı .  Natiq qeyd   etdi    ki ,  türk    
oğlu   yenilməz    qaladır .  Əminik   ki ,  bu   gün   ordu   sıralarında   xidmət edən   
igid   oğullarımız   erməni - daşnaklarını    məğlub   edərək    QƏLƏBƏYƏ   imza     
atacaq.  Zəfər   marşı   QARABAĞIMIZDA    səslənəcək !
       Tədbirdə    hərbi    hissə    komandirinin    tərbiyə   işləri   üzrə   müavini   
palkovnik - leytenat   Ağacan   Zərbəliyev   çıxış   etdi .  O    bildirdi   ki ,  
Azərbaycan   ordusu   dünyanın   ən   nüfuzlu   hərbi    təşkilatlarından    olan    
NATO   ilə   əməkdaşlıq   edir .  Azərbaycan    sülhməramlıları   dünyanın    ən    
qaynar   nöqtələrində    xidmət   edir .  Qarşımızda    duran   ən   ümdə    vəzifəmiz , 
işğal   altında    olan   torpaqlarımızı    mənfur    düşmənlərdən    azad   etməkdir .  
Odur   ki ,  biz , hamımız   Ali    Baş   Komandanın     " İRƏLİ ! "   əmrini    gözləyirik
və    buna   hər   an   hazırıq!
       Tədbirdə   hərbi   hissənin   tabor   komandiri    palkovnik - leytenant   Azər   
Quliyev   və   komendant    bölüyünün    tərbiyə   işləri   üzrə   müavini    kapitan    
Sənan    Əşrəfov    da   məruzələrində   Azərbaycan   ordusunun   qüdrətini   bir   
daha   vurğuladılar .   Layihənin    rəhbəri ,  şair    Mehriban   Həsənli   sonda   
şəxsi   heyyətə     " ÇƏK    ƏLİNİ ,  QARABAĞDAN ! "  poemasını   səsləndirdi .          


YAQUT    HÜSEYNOVA

AZANSIZ QALIBDI MƏSCİDLƏRİMİZ!

Milli  Qəhrəman  Seyid  Mübariz  

          
            Ağakərim  oğlu Ibrahimovun   dilindən.

Yola   sal , ay   ana ,  mən   getməliyəm ,
AZANSIZ    qalıbdır   məscidlərimiz !
Haqqını  halal  et ,  xeyir - dua  ver ,
AZANSIZ    qalıbdır   məscidlərimiz !


                                 Günahlar   içində   yanır   Yer  üzü ,
                                 Bilinmir    dünyanın   yalanı ,  düzü ,
                                 Qəlbimin ,  ruhumun  sonuncu   sözü ,
                                 AZANSIZ    qalıbdır   məscidlərimiz !


Düşmənə    nifrətim   bitməz - tükənməz ,
Üç   rəngli   bayrağım    bir   daha   enməz ,
Tutduğum   bu    yoldan   geri   dönülməz ,
AZANSIZ    qalıbdır   məscidlərimiz !


                                                        

                                                        YAQUT    HÜSEYNOVA

ALLAH - BÖYÜK HƏQİQƏTDİR...

Dinlə ,  məni ,  Yer    kürəsi ,
ALLAH - böyük   həqiqətdir !
Olsun   qəlbin   saf   nəğməsi ,
ALLAH - böyük   həqiqətdir !


                              Tanrı   təbib ,   biz  xəstəsi ,
                              Şəfa   tapar   hər   bəndəsi ,
                              Ömür   qönçə    gül   dəstəsi ,
                              ALLAH - böyük   həqiqətdir !          


Gah   ucaldar ,   gah   endirər .
Gah   ağladar ,  sevindirər ,
Yerə  nemət ,  naz   göndərər ,
ALLAH - böyük   həqiqətdir !      


                                                             YAQUT     HÜSEYNOVA                  

NƏ AD VERİM SƏNƏ , DÜNYA !

Dəstək  oldun   cinayətə ,
Nə   ad   verim  sənə , dünya !  
Badə   qalxdı   xəyanətə ,
Nə   ad   verim  sənə , dünya !  



                              Qələm   çəkdin   insanlığa ,
                              Cığır   açdın   yamanlığa ,
                              VƏZİR   oldun ,  çox   xanlığa ,
                               Nə   ad   verim  sənə , dünya !  




                                                         YAQUT     HÜSEYNOVA