İstanbulda "UYGAD" ın üç illik fəaliyyəti qeyd olunacaq.

   Mayın 22-si, inşallah, yolum Tuzlayadır. "Uygad Basın Cemiyeti" inin üç illik fəaliyyətinə həsr olunmuş tədbirdə "Uygad Basın Cemiyeti" inin  AZƏRBAYCAN təmsilçisi olaraq iştirak edəcəm.

"...İNSAN MARAQLIDIR..." (yeni yazım)

"BU GECƏ RÖYAMIN QONAĞI OLDUN..."

   

   Hər günüm adınla bağlı....

  ATAM uşaqlıqdan, sanki məni öz yeri üçün hazırlayırdı. Rus dilində mükəmməl danışırdı. Ali təhsilli deyildi. Amma tarixi mən ondan öyrəndim. Bəli, ATAMDAN. Həmişə dediyi bir sözü vardı:-"Mənim ölümüm MƏHBUBƏNİN qarşısında olsun. Bir də Yaqut var, ölümdən qorxmuram..." Yatdığın TORPAĞA qurbanam, SƏNİN 😥

Bu gecə röyamın qonağı oldun,

Kaş ki, o yuxudan ayılmayaydım....

Bu gecə röyamın qonağı oldun,

Tutub əllərindən qayıtmayaydım!

Bu gecə röyamın qonağı oldun,

Hirslənib üstümə "gəlmə" söylədin...

Bu gecə royamın qonağı oldun,

Soruşub evmizi, niyə, göynədin?!

Bu gecə röyamın qonağı oldun,

SƏNSİZLİK nə imiş anladım bir-bir....

İstəyim, tezliklə sevincim olsun,

Yanında ÖZÜMƏ AYIRDIĞIM YER!!!

                                                        Yaqut Hüseynova

"GÜLÜŞ VAR, DUADIR..."

GÜLÜŞ var, insanın ağlını alar,

GÜLÜŞ var, ətrafın düşündürər həm.

GÜLÜŞ var, acıya qələbə çalar,

GÜLÜŞ var, içində gizlənibdir qəm!

GÜLÜŞ var, hiyləli, həm də ki süni,

Təbəssüm tanıdar insan ruhunu!

Bir gülüş dəf edib nifrəti, kini,

Vahəyə çevirər, həyat yolunu...

GÜLÜŞ var, sevgidən dolub gözlərə,

Bürüyər dörd yanın, sanki sehrinə.

GÜLÜŞ var, çevrilib ciddi sözlərə,

Hər fikri, hər beyni yığar şərhinə...

GÜLÜŞ var, DUADIR, dinib nəğmə tək,

Alar ağuşuna düşüncələri!

GÜLÜŞ var, tikanın sancan kəlmə tək,

ARZUYA, XƏYALA vurar xəncəri!

GÜLÜŞ var, dindirib küsən ürəyi,

ÜMİDLƏ yenidən barışdırar o!

GÜLÜŞ var, ölümün olub gərəyi,

Yaddaşda varlığın dolaşdırar o!

GÜLÜŞ var, DÜNYADIR, həm də ki, ÖLÜM,..

Qaynağı ÜRƏKDİR, zahiri BAXIŞ!

İstərəm, bir qəlbdə sevincə dönüm,

Rəngiylə ömrümə vurulsun naxış!

                                                  

                                                              Yaqut Hüseynova

"Adına mən daha ÜRƏK demirəm!..."

Daha dinləmirəm, sənin sözünü,

Son nöqtə qoymuşam yorumlarına!

İstəsən, lap məndən çevir üzünü,

Cavabın varmı, de, sorularıma?!!!

Verdiyim qərarın kəsib yolunu,

BEYNİMDƏN qoparıb, çəkdin özünə...

RUHUMUN boynuna salıb qolunu,

Xəlvətcə pərdələr örtdün gözünə...

Adına mən daha ÜRƏK demirəm!...

Sinəmdə vursan da, YADSAN ömrümə!

Adına mən daha ÜRƏK demirəm!...

Ən dərin YARANI sandın könlümə!...

                                                    Yaqut Hüseynova

"İYLƏNMİŞ RUHLARIN xarabasıdır!!!"

Baxırsan görnüşü adama bənzər,

Ağzı var, dili var, əli, ayağı...

Şah sayır özünü neçə QUL BEÇƏ,

Çatmayır əlində saqqal darağı!!!

Adamlar gördüm ki, varlığı, fəqət,

İYLƏNMİŞ RUHLARIN xarabasıdır!!!

Adamlar gördüm ki, sağlığı, fəqət,

İnsanlıq adının ÜZ QARASIDIR!!!

                                               Yaqut Hüseynova

"DƏVƏNİN QANADI OLSAYDI, ƏGƏR..."

DƏVƏNİN QANADI olsaydı, əgər...

Nələr gətirərdi, görən, dünyaya?!

DƏVƏNİN QANADI olsaydı, əgər...

Yəqin, o ayaq açardı AYA!!!

DƏVƏNİN QANADI olsaydı, əgər...
Qanunlar yazardı TÜPÜRCƏK ilə!!!
DƏVƏNİN QANADI olsaydı, əgər...
Torlar qurulardı HÖRÜMÇƏK ilə!!!

DƏVƏNİN QANADI olsaydı, əgər...

Tək QARTAL YUVASIN uçurardı o!!!

DƏVƏNİN QANADI olsaydı, əgər...

Yəqin ki, TANRIYA tərs baxardı o!!!

DƏVƏNİN QANADI olarsa, əgər...

ÖKÜZÜN BUYNUZU sınar dərində!

DƏVƏNİN QANADI olsaydı, əgər...

Nizamı gedərdi, şeşin, birin də!!!

DƏVƏNİN QANADI olsaydı, əgər...

Xəzinə götürüb, SUDAN keçərdi!

DƏVƏNİN QANADI olsaydı, əgər...

Həyatı BƏDƏVİ, ÇÖLLÜ edərdi!!!

"DƏVƏLƏR" GÖRÜLDÜ... QANAD yerləri,

Göyərmək istədi, fəqət, çıxmadı!!!

"DƏVƏLƏR" GÖRÜLDÜ... AYAQ İZLƏRİ,

GİRDİYİ KOLLARDAN KƏNAR ÇIXMADI!!!

                                                               


                                                                Yaqut Hüseynova