"VƏTƏNƏ SARI"

MƏHƏMMƏD HADİ bir misrasında deyirdi:-"Doğulduğum torpaq, mənə yadi-VƏTƏNDİR..."

Üz tutmaq istədim, VƏTƏNƏ sarı,

Torpaqdan VƏTƏNİN ətri gəlmədi!

Üz tutmaq istədim, VƏTƏNƏ sarı,

Beş yaşlı XOCALI susdu, gülmədi!

Üz tutmaq istədim, VƏTƏNƏ sarı,

Ayağım getsə də, RUHUM bir QƏRİB!

Üz tutmaq istədim, VƏTƏNƏ sarı,

Ətrafın tıkanlı məftillər sarıb.

Üz tutmaq istədim, VƏTƏNƏ sarı,

Palmalar bəzəmiş təbiətini.

Hər yeni yaşıllıq, bil ki, verməyir,

Bir XARI BÜLBÜLÜN təravətini!

Üz tutmaq istədim, VƏTƏNƏ sarı,

Arxamca səsləndi, MƏHƏMMƏD HADİ...

Üz tutmaq istədim, VƏTƏNƏ sarı,

Sevgisi qəlbimdə, sanki YARADI!

Üz tutmaq istədim, VƏTƏNƏ sarı,

Eşqinin şərhini verib ŞƏHRİYAR!

Üz tutmaq istədim, VƏTƏNƏ sarı,

Düşüncəm dolaşdı, həm diyar-diyar.

Üz tutmaq istədim, VƏTƏNƏ sarı,

Babəkin BİR GÜNÜ qırx ildən uca!

Üz tutmaq istədim, VƏTƏNƏ sarı,

Onunla var olum, canım çıxınca!

Üz tutmaq istədim, VƏTƏNƏ sarı,

Yadlaşan VƏTƏNDƏ doğmaya dönək!

Üz tutmaq istədim, VƏTƏNƏ sarı,

Odunda alışıb, külündə sönək!

Üz tutmaq istədim, VƏTƏNƏ sarı,

Bürüdü içimi...

İTİRMƏK qorxusu, İTMƏK QORXUSU!!!

Üz tutdum, "ƏSRİ" də mən ONA sarı,
Doldu ürəyimə, VƏTƏN QOXUSU!!!

                                           

                                                        Yaqut Hüseynova

                                                      

"BİR QAŞIQ SU"

Ətrafı cahillə dolu olarsa,

BİR QAŞIQ SUDA da boğular, İNSAN!

GÖYÜN aqıbəti yerə qalarsa,

ÜMİDLƏR öləndə, İNAD DOĞULAR!!!...

                                                   

                                                              Yaqut Hüseynova

"BAXDIM Kİ, TANRI DA İNSAN AXTARIR..."

Mən İNSAN aradım, görüm necədi,

Ruhuyla irqinin fərqi varmıdı?!

Mən İNSAN aradım, görüm necədi,

Varlığı dünyanı qəlbən sardımı?!

Mən İNSAN aradım, görüm necədi,

Ətrafı bürüyüb iki ayaqlı!

Mən İNSAN aradım, görüm necədi,

Gözdəki baxışlar yalan, boyaqlı!

Mən İNSAN aradım, görüm necədi,

Əlləri görmədim, tuta bir əli.

Mən İNSAN aradım, görüm necədi,

Sevgini dərk edən adlandı, "DƏLİ" !

Mən İNSAN aradım, görüm necədi,

Dörd KİTAB dayandı, qarşımda mənim.

Mən İNSAN aradım, görüm necədi,

Çoxu tənhalığa dedi, MƏSKƏNİM!!!

Mən İNSAN aradım, görüm necədi,

Nəfəslər üşütdü, buzları belə...

Mən İNSAN aradım, görüm necədi,

Ən gözəl hisslər də köç etmiş dilə...

Mən İNSAN aradım, görüm necədi,

"İBLİS" dən söyləndi, CAVİD əfəndi.

Mən İNSAN aradım, görüm necədi,

Canlandı gözümdə "DANABAŞ KƏNDİ"...

Mən İNSAN aradım, görüm necədi,

"ÖLÜLƏR" dirildi, İSGƏNDƏR susdu.

Mən İNSAN aradım, görüm necədi,

XOCALI, İRƏVAN, GÖYÇƏ QAN QUSDU.

Mən İNSAN aradım, görüm necədi,

"ALLAHSIZ" damğası göstərdi yolu.

Mən İNSAN aradım, görüm necədi,

İsimlər oxundu, qandaldı qolu!

Mən İNSAN aradım, görüm necədi,

Tapmadı, CİBRANIN "PEYĞƏMBƏR" i də.

Mən İNSAN aradım, görüm necədi,

"SƏMAYA QAYIDAN YAZI" izində.

Mən İNSAN aradım, görüm necədi,

"HÜDUDSUZ" kitabın aldım əlimə.

Mən İNSAN aradım, görüm necədi,

"-BƏS NİYƏ???" sualı gəldi, dilimə.

Mən İNSAN aradım, görüm necədi,

"ƏSRİ" də UYUYAN VƏTƏN axtarır!

Mən İNSAN aradım, görüm necədi,

Baxdım ki, TANRI da İNSAN axtarır!!!

Baxdım ki, TANRI da İNSAN axtarır!!!

                                                               

                                                                Yaqut Hüseynova

"KOSMETİKA və yaxud MOZALANLAR"

   "-Deyirem, ay arvad, kosmetik vasitələrdən qadınlar bilmirəm, gözəlləşmək üçün istifadə edir, yoxsa çirkinliyin gizlətmək üçün... Sən yaxşı bilərsən, dəqiq cavab tapa bilmirəm. Çaşıb qalmışam. 

   -Nə olub, ay Molla, indi də kosmetika ilə maraqlanırsan? Nəyinə lazım, axı, bu sual?! Lap qəribə adamsaneee... 

   -Yox, ay arvad, nə danışırsan... Mənim maraqlandığım başqa "kosmetika" dı. Məşədi İbad demişkən, "tarixi-nadiri yarıya qədər oxumuşam, amma bu "kosmetika" ya bir ad verə bilmirəm ki, hansı "brend"ə məxsusdur. Yox edilmiş mozaik şəkil mənə bunu xatırlatdı. Əslində, edilənlər "MOZALAN" sərgüzəştləri kimi dayandı, gözlərimin önündə. Fərq də qəribə idi, bənzətməm də. Qəfildən Dollar yadıma düşdü. Nənəm demiş, ay arvad, elə bil başıma od töküldü. Dolların adı pul eskinazında olsa da, onu deyəndə, milliyyətindən asılı olmayaraq, imtanosiyada da özünəməxsus bir səsləniş var. Amma... Amma deyirəm, pul eskinazlarımız dəyişilsə də, yeni eskinaz adları, təəsssüf ki, çox beynlərdə elə "məmməd" qalıb. Bəli, "məmməd"!!! Lap uşaqlığım yadıma düşdü. Kəndimizdə, məhləmizdə Məmməd adlı birini çağıranda, müraciətdə belə bir hörmət vardı. Fəqət, DAHİ BİR DÜHANIN ÜRƏKLƏRDƏ ƏBƏDİYYƏTƏ QOVUŞAN ADI VƏ SOYADI beynlərə "MOZALAN" lar tərəfindən sadəcə "məmməd" kimi həkk edilməyə məhkum edildi. 

   Yenə də hardan-hara gəldim. Dilxorluğum fikrimi qarışdırdı. Yadınızdadırsa, bir söhbətimdə "Köhnəlmiş çarıx" larımdan danışmışdım. Məhz o çarıxlarımla qoca vaxtımda metroda addımlaya-addımlaya O BÖYÜK TARİXİ ŞƏXSİYYƏTİN mozaik şəklini axtardım. Divara elə üzlük çəkilmişdi ki, baxan deyərdi ki, divar əzəldən belə olub. Nə şəkil? Nə vaxtsa burada mozaik şəkil olub?! "QƏTİYYƏN!" Bir az da acı-acı gülümsədim. Deyirəm, dünyanın ən istedadlı və nənəm demiş, ən sanballı arxieoloqları gəlsə də 28 may metrosundakı MƏHƏMMƏD ƏMİN RƏSULZADƏNİN mozaik şəklinin izlərin axtarıb tapa bilməz. ƏSL KOSMETİKA, BAX, budur!!!

                                                                       Yaqut Hüseynova

"ZORLANMIŞ QIZIN DÜNƏNİ" (hekayə)

   Jurnalist-yazar Yaqut VAFİQQIZININ "ZORLANMIŞ QIZIN DÜNƏNİ" adlı hekayəsi çox yaxında saytlarda yayımlanacaq. Hekayə VİCDANSIZLIĞA vurulan ÖLÜMCÜL SİLLƏ olacaq...

"...SƏNLƏ MƏN KİMİ!..."

Fəsillər dəyişdi öz axarında,

Fərq  isə duyuldu, SƏNLƏ MƏN KİMİ!

Üç nöqtə qoyuldu söz axırında,

Fərq  isə duyuldu, SƏNLƏ MƏN KİMİ!

İzimiz üst-üstə düşdü hər səhər,

Boğdu qəlbimizi boğdu, qəm-qəhər,

Həyatda qalmaqçın güldük birtəhər,

Fərq  isə duyuldu, SƏNLƏ MƏN KİMİ!

Sanırdım, yoxluğum incidər səni,

Vicdanın cəllad tək dindirər səni!

VURDUĞUN YARADA axtarsan MƏNİ,

Fərqi də duyular, SƏNLƏ MƏN KİMİ!

Dəyişdin torpağın gözümdə rəngin,

Getdiyin cığırın zahiri "zəngin",

Dediyin sözlərin, vurduğun zəngin,

Fərqi də duyuldu, SƏNLƏ MƏN KİMİ!

Bəndəsi olsaydın, EŞQ adlı DİNİN,

Sürərdin səfasın hər ayəsinin,

Ayrılıq gətirən "BİZ" kəlməsinin,

Fərqi də duyuldu, SƏNLƏ MƏN KİMİ!

Baxışlar sevgidən danışan zaman,

Ümidim dil açdı, itəndə güman,

Tək bunu yaşamaq istədim, ancaq 

QƏLBİNDƏ SƏN KİMİ, SƏNDƏ MƏN KİMİ!!!

                                                   Yaqut Hüseynova

"YIXILDIQ, HAMIMIZ ÖZ QOLUMUZDAN!"

Yıxıldıq, hamımız öz qolumuzdan,
Yıxıldıq, qocalar evlərinə biz!
Yıxıldıq, hamımız öz qolumuzdan,
Yıxıldıq, xəyanət künclərinə biz!

Yıxıldıq, hamımız öz qolumuzdan,
Yıxıldıq, ümiddən ümidsizliyə!
Yıxıldıq, hamımız öz qolumuzdan,
YIXILDIQ!!!
Doğmalar içində kimsəsizliyə!

Yıxıldıq, hamımız öz qolumuzdan,
Yıxıldıq, gerçəkdən xəyallara biz!
Yıxıldıq, hamımız öz qolumuzdan,
Yıxıldıq, rüşvətdən saraylara biz!

Yıxıldıq, hamımız öz qolumuzdan,
Yıxıldıq, doğrudan min yalanlara!
Yıxıldıq, hamımız öz qolumuzdan,
Çevrildik, insandan CAN ALANLARA!

Yıxıldıq, hamımız öz qolumuzdan,
GÜNƏŞ də yıxıldı, ulduzlarından!
Yıxıldıq, hamımız öz qolumuzdan,
Təbiət seçilmır quduzlarından!

Yıxıldıq, hamımız öz qolumuzdan,
VƏTƏN də yıxıldı, PARALARINDAN!!!
Yıxıldıq, hamımız öz qolumuzdan,
ALLAH da yıxıldı, "İNSAN" adından!!!

Yıxıldıq, hamımız öz qolumuzdan,
"ALLAHU ƏKBƏR" LƏ çökdü, KƏRBƏLA!
Yıxıldıq, hamımız öz qolumuzdan,
Yaranış əzəldən qalıb çaqqala!

Yıxıldıq, hamımız öz qolumuzdan,
Uçrumlar çoxaltdı, başda "TACLARI"!
Yıxıldıq, hamımız öz qolumuzdan,
Doyurmaz, sonralar gözü acları!

Yıxıldıq, hamımız öz qolumuzdan
Sığındı laylalar uşaq evinə!
Yıxıldıq, hamımız öz qolumuzdan,
Haqqın da gözləri baxdı çəpinə!

Yıxıldıq, hamımız öz qolumuzdan,
Qan qoxdu millətin bayram aşından!
Yıxıldı, TARİXİN səhifələri də,
KÖRPƏ XOCALININ MƏZAR DAŞINDAN!!!

                                                         Yaqut Hüseynova

MOLLA PƏNAH VAQİFİN 300 illik yubleyinə həsr olunmuş tədbirdən...

Jurnalist-yazar YAQUT VAFİQQIZI

“BAŞLAR KƏSƏNDƏ”

Daha çin olmayır, nağılda belə,

Sən qızıl balığa arzu desən də!

Kədər də, sevinc də gəlməyir dilə,

Amansız həyatdan ürək küsəndə!

Dəyişər iqlimin səmti, yeri də,

Gilavar yerinə xəzri əsəndə!

"ÖLÜLƏR" çalışdı bizi diril də,

"ALLAHSIZ" damğası başlar kəsəndə!

                                                                       YAQUT HÜSEYNOVA