TURANIN TORPAĞI KİRLƏTMƏZ ƏLİ !..

Atatürk   dayanıb   bir   gün   limanda ,
İngilis   kralın   gözləyirdi   o .
Gəmilər   sahilə   yaxınlaşanda ,
Qonağa , " mərhəba "  söyləyirdi   o .



                            İngilis   sahilə   əlin   dayayıb ,
                            Qoydu   Türk    yurduna   tez   qədəmini .
                            Sonrasa  cibindən   dəsmal   çıxarıb ,
                            Cəld   sildi    torpağa   dəyən   əlini .


Atatürk   görəndə   bu    mənzərəni ,
Göynətdi   qəlbini   onun   əməli .
Söylədi ,  qonağa   bircə   kəlməni :
- " Turanın   torpağı   kirlətməz   əli ! "  
- " Turanın   torpağı   kirlətməz   əli ! "  



                                                       YAQUT    HÜSEYNOVA