" NÖVBƏ "

   Ən gözəl əsər, yazı, şeir, məhz öz mayasını həyatdan aldığı zaman yaranır. Təsvir və tərənnümdən həmişə, oxucu qəlbindəki duyğuları daha mükəmməl şəkildə dindirmək üçün istifadə olunur. Bu günlərdə bir taleyin əzablarının dinləyicisi oldum. Gözəl bir ananın, dərdli bir qadının yaşadıqları, o qədər mənə təsir etdi ki, “ NÖVBƏ “ adlı şeirim sətirlərə köçdü. Bölüşdüyü əzabları necə, hansı ifadələrlə danışmışdısa, elə də qeyd etməyə çalışdım...

Həyatda heç zaman üzüm gülmədi,

KƏDƏR növbəsində birinci oldum.

Xoş günü səslədim, hayı gəlmədi,

Baharı görmədən, çiçək tək soldum.

Kədər ürəyimdə xəmir yoğurdu,

Kündəsi gözümdə bərəkət oldu.

Əzablar könlümdə cadar doğurdu,

Taleyim, bilmirəm, hayana yoldu?!

                                        

                                  Yaqut Hüseynova