“ŞƏHİDİN SON SÖZLƏRİ”

  

 

   Azərbaycan-Ermənistan sərhəddində düşmən təxribatı nəticəsində, Sumqayıt şəhərindən həqiqi hərbi xidmətə çağırılmış hərbi qulluqçu Səfərov Nahid Fikrət oğlunun sosial şəbəkədə son paylaşımı, hər kəsi kövrəldib:-“Sən, yatanda fikirləşirsən ki, sabah 07-ə minəcəm, ya Qalenvagenə. Amma mən yatanda fikirləşirəm ki, sabaha sağ qalacam, ya yox. (başa düşən düşdü)

Açılan sabahı, gələn səhəri,

Hərəmiz gözləyir, bir arzu ilə.

Gah sevinc gətirib, gah da qəhəri,

Təzadlar içində öyrədər dilə!

Kiminin daha bir əyləncəsinin,

Günahsız qurbanı olar, SABAHLAR!

Bizimçin günəşin şəfəqi çox vaxt,

SƏNGƏRDƏN yollanan SON MƏKTUB olar!

                  

                                         

                                   Yaqut Hüseynova

                                                   
                                                 30 yanvar 2016-cı il