" MƏQSƏD ƏNGƏL TANIMIR ! "

                 ( Yazı   3  dekabr  Beynəlxalq  Əlillər   gününə   həsr  olunub )

   Kimisi   həyatda   addımlarıyla   qısaldar   yolları ,  onlarsa  əlil   arabasında   

keçər    həyatın  enış   və   yoxuşunu !  Kimisi   bilərəkdən   eşitmək   istəməz   

təbiətin   ən    gözəl   səslərini ,  onlarsa  eşitməsini   təmin   edən   aparatla   

dinlər   AZAN    səsini !  Kimisi   hər   iki   əliylə    çirkaba   bulaşar ,  onlarsa  

iflic   olmuş ,  hərəkətini   itirmiş   əlləriylə   insanı     heyran   qoyan    gözəllikləri    

yaradar !  Kimisi    gözlərindəki   nuru    çirkinliyi   görməyə   xərcləyər ,  

onlarsa  gözlərindəki   zülmətdə    aydınladar    ətrafını !  Kimisi  dilinə   nifrəti ,  

haqsızlığı    yansıdar ,  onlarınsa   lal   harayında   şükranlığının   sevinci   duyular !  

Millət   vəkili    Qənirə   Paşayevanın  yazılarının   birində  " dünyanın   yeddi   

möcüzəsi "   adlandırdığı    duyğuları    kimisi   sahib   olduğu   halda   yox  edər , 

onlarsa    taleyin   amansız   hökmüylə   məhrum    olsalar   da ,  saf   niyyətli   
məqsəd  və   məramıyla   var    edər !

   

  
   ƏLİLLİK ,  qüsur    deyil .  Heç   bir   fiziki   məhdudiyyət   yaşanan   həyatın  

əngəlinə  çevrilməməlidir . Çünki   istər   fiziki   məhdudiyyətli ,  istərsə  də fiziki    

cəhətdən  sağlam  insanları   həyata   bağlayan   ümid   və   inamdır . Sadəcə bu
iki  amilin   daşıdığı   məqam  fərqlidir .  Həyatda   mümkünsüz   heç   nə   yoxdur .  

Ağıl ,  zəka ,  zəhmət  və  göstərilən   səylərdən   qaynaqlanır   nəticələr . Tarixə  

nəzər  salanda  böyük   nailiyyətlərin   bir   qisminin   fiziki   məhdudiyyətli   

insanlar   tərəfindən   yazıldığını  görmək    mümkündür .  Məsələn , 

" BRAYL "   yazı   sistemini  ( gözdən  əlil   insanlar   üçün  nəzərdə   tutulmuş  

yazı )   yaradan ,  məhz   bu  fiziki   məhdudiyyəti   yaşayıb .  Dünya   şöhrətli   

bəstəkar  Ludviq   Van   Bethoven  eşitmə   əngəlli  olmasına  baxmayaraq ,  

şedevr   əsərləri   notlara   köçürüb .  Bu   siyahını   davam    etdirmək   də  

olar .  Məqsəd ,  mənəvi , elmi , ictimai   nailiyyətin ,  özünütəsdiqin ,  

yüksəlişin   əngəl   tanımadığına   diqqəti   yönəltməkdir .  Bu   gün   dünyada  

milyonlarla   fiziki    məhdudiyyətli   insan   var .  Onların   cəmiyyətə   yenidən

inteqrasiyasının ,  sağlamlıq   və   hüquqlarının   müdafiə  olunması   istiqamətində 

beynəlxalq   səviyyədə   qanun  və   iş   planı   işlənib   hazırlanmışdır .  Cəmiyyətin 

həssas   qəlbli   üzvləri   olan  bu   insanlara   qayğı ,  mənəvi   dəstək    dinindən ,  

irqindən   asılı   olmayaraq   hər   kəsin   vicdan   borcudur .  

     İLHAM   ZƏKİYEV ...  İki  dəfə  paralimpiya ,  iki  dəfə   dünya  çempionatında , 

beş   dəfə  Avropa   birinciliyində   qızıl   medal   qazanmış   bu  idmançımız     

Qarabağ   uğrunda   gedən  döyüşlərdə   ağır   yaralanaraq ,  gözləri   dünya   
işığından   məhrum   olsa   da ,  əzmi ,  həyatsevərliyi    ilə   daha  böyük  
qələbələrə  doğru  irəliləyir .  Onun   yetişdirdiyi   tələbələr  neçə - neçə   idman   
uğurlarımızın   yazılacağı  nurlu  sabahlardı ! Deməli ,  hər   şey   insanın   
öz  əlindədir .  Düşüncələrimizlə , həyata  baxışlarımızla ,  hər  halımızla  Allaha  
şükür   edərək ,  özümüzə   inanaraq   addımlamalıyıq .  Bu  gün  internet  tv  
şəbəkəsi   olan   ARABAÇI   TV   bir   daha    sübut  etdi  ki ,  məqsəd  əngəl   
tanımır !  

    3   dekabr  Beynəlxalq  Əlillər   günüdür . Yazıma  ən  gözəl   sonluq   ola   biləcək
məşhur  motivasiya  mütəxəssisi  Nicholac  Vujicicinin   bir   fikriylə   bitirmək  
istəyirəm . O  deyirdi : 

     - " Niyə   məni   belə  yaratdın ?  

     Tanrıdan  cavab  gəldi :

    - Mənə   güvən ! "

                                                YAQUT     HÜSEYNOVA


 ( P.S.  Sevinirəm  ki ,  tələbə  vaxtı  Naxçıvan  MR - də  yerləşən  Gözdən  Əlil  
Uşaqlar  üçün  olan  xüsusi   tipli  məktəblə  könüllü  müəllimə  kimi  iki   il  
əməkdaşlıq  etmişəm. )

BİR ÖMRÜN İŞİĞINDA.

   Mustafa   Kamal   Atatürk  Deyirdi : - " Müəllim  şam  kimidir ,  özü   yanıb    

tükənərkən  ətrafını   işıqlandırır .   Bəli ,  hər  bir  millətin  gələcəyi   müəllimin   

əlindədir .  Şəxsiyyətin  ahəngdar   inkişafı ,  məhz   onun  adıyla   bağlıdır .  

Əbəs  deyilməyib  ki ,  bir    milləti   məhv  etmək  üçün   onun   müəlliminin  və  

həkiminin   savadsız   olması   kifayətdir .  Biri  cəmiyyəti   mənəvi ,  digəri    isə  

fiziki   cəhətdən   şikəst  edəcəkdir .

  Müəllimin   böyüklüyü ,  dəyər  və   qiyməti  dərs   dediyi   şagirdlərin   qəlbində  

qurduğu  sevgi  və   ehtiramla   ölçülür . Bu  sevinc  və  səadəti  yaşayan   

pedaqoqlarımızdan biri  də Səadət  Quliyevadı .  O ,   artıq   20   ildir  ki ,  21  

nömrəli  tam  orta  məktəbin  bütün məsuliyyətini   nəinki   bir  direktor ,  həm   

də  bir  ana  kimi  zərif   çiyinlərində  daşıyır .  1957- ci   ildə   dünyaya   göz  açan   

Səadət  Quliyeva   1980- ci   ildə    Azərbaycan   Xarici  Dillər  Universitetinin  ingilis
və  alman  dili   fakültəsini   bitirib .  Təyinatla  göndərildiyi  Sabirabad  rayonunun   

Şıxsalahlı  və   Axtaçı   kənd   orta  məktəbində   pedaqoji  fəaliyyətə  başlayıb . Beş
il  burda  çalışdıqdan sonra   1985 - ci   ildə   əvvəllər   internat   məktəbi  olan  21   

nömrəli   tam    orta   məktəbdə   fəaliyyətini   davam   etdirib .  

Onu   da  qeyd  edək  ki , 1989 - cu    ilin  sentyabr   ayında  Təhsil   Nazirliyinin  
sərəncamına  əsasən ,  internat  ləğv  olunaraq   21  nömrəli   məktəb  adlandırılıb .  
1994 - cü  il   oktyabrın  1- dən  seçki   yolu  ilə  Səadət  müəllimə  adıçəkilən  təhsil
ocağına  direktor   təyin   olunub . 2004 - cü   ildən  bələdiyyə   üzvi  olaraq ,  
bələdiyyə   xəttiylə   2005 - 2006 - cı   illərdə   Avropa   Şurasının  üzvi  kimi  daha  
böyük   missiyanı   yerinə   yetirib . Və  bu  illərdə   Fransanın   Starsburq   
şəhərində  Avropa  Şurasının  iclaslarında ,  Xarvatiyanın   Dubrovnik   şəhərində   

konfranslarında   iştirak   edib . " Gender   bərabərliyi "  təşkilatının   və  

AZETA  ( Azərbaycan  İngilis   Dili  Müəllimləri   Assosasiyası )  nın   Şirvan  

bölməsinin  ( 2012 - ci    ildən ) rəhbəridir . Bu  günlərdə  Səadət müəlliməylə  
görüşüb   həmsöhbət  olduq .  Əsl  müəllim  necə   olmalıdır ,  sualını   o   belə  
cavablandırdı :

     -  Həyatı ,  məhz   müəllimin   ona   bəxş   etdiyini   deyən   Makedoniyalı  

İsgəndər , ona    bir  hərf   öyrədənin   qulu  olmağa   hazır   olduğunu  qeyd  edən   

Həzrəti   Əli , alimin   mürəkkəbini   şəhid   qanına  bərabər  tutan , elm  öyrətməyi   

islam  dininin  əsas  qayəsi  kimi  dəyərləndirən  MƏHƏMMƏD  PEYĞƏMBƏR  
( s.a.s ) ,  müəllimi  günəşə  bənzədən   Nizami  Gəncəvi ,  onu   ruhani  ata  hesab  
edən   N. Tusi ,  müəllimi  cəmiyyətin  çirağı   adlandıran   F. Köçərli ,  bəşəriyyətin   
müəllimsiz   keçınə  bilməyəcəyini   deyən  S.M.Qənizadə  və  nəhayət   " Mən   
yer  üzündə   müəllimdən   yüksək  ad   tanımıram "  deyən  Heydər  Əliyev ...  
Bu   kəlamlar ,  məncə ,  müəllim  sənətinin  üfüqlərini ,  vəzifə  və  məramlarını  ən
gözəl   şəkildə  izah  edir.

 
     - Bu   gün   müəllim-şagird  münasibəti   ən   çox   müzakirə   olunan  
mövzulardandı . Siz ,  necə  düşünürsünüz ,  problemin   özəyi   nədədir ?

      - Müəllim   və   şagird   arasında   ən  əsası   qarşılıqlı   hörmət   olmalıdır .  O ,  

şagirdi   bir   şəxsiyyət  kimi   görməlidir . Düzgün  qurulmuş  müəllim - şagird   
münasibətləri  təlimin  keyfiyyətinin  artmasında   mühüm  vasitədir . 
Ümumiyyətlə , təlimdə   keyfiyyətin   əldə   olunması  üçün  psixoloji  
xüsusiyyətləri  dərindən  bilmək vacibdir . Hər bir şagirdə   fərdi   yanaşılmalı  
və  valideynlərlə  sıx  əlaqə  qurulmalıdır . Müasir   dövrümüzdə  müəllim  yeni   
metodlardan  istifadə  etməklə  şagirdlərin  idraki  fəallığına , müstəqil   
düşünmə    qabiliyyətinin   inkişafina  daha   tez   nail   ola  bilər . Bütün  mənəvi  
keyfiyyətlərin  formalaşdırılması  ailədən  yaranırsa , məktəbdə bu inkişaf  etdirilir.  
Peşəmizdə  sevgi ,  diqqət    və   məsuliyyət   önəmli   amildi . Bir  müəllimə   kimi  
hər  zaman  sadaladığım  bu   faktorların  reallaşmasına  çalışmışam . 
Şagirdlərimizin  uğur  və  nailiyyətləri   bizi  sevindirməklə  yanaşı , 
addımlarımızı  daha da  inamla  atmagımıza  stimul    verir .

   

    Səadət  Quliyeva  həm  də   gözəl  ana ,  qayğıkeş  nənədi . Nəvələri   Murad , 
Zəhra , Nuriyyənin   sevinclə   gülümsəməsini   həyatda  əvəzsiz  hədiyyə  hesab
edir . 



                                                           YAQUT     HÜSEYNOVA

    

" UNUDULMUŞ DUALAR VƏ AYAQ SƏSLƏRİ "

   Pəncərə   önündə  oturub   yollara    baxmağı ,   daha   çox   sevər   onlar .  Yollar
ümidlərinə  dönər ,  təsəlli   edər   gözlərindəki   həsrəti ,  ovudar   qəlblərindəki   

nisgili ,  oxşayar   könüllərindəki    çəkilməz   tənhalığı .  Unudulmuş ,  atılmış   

ömürləri    yollara   dikilən   gözlərində   dilə   gələr .  Yalnız   bir   ümid    yaşadar   

hər   birini .  BİR   GÜN   onları   lazımsız   əşya   tək   qocalar   evinin   dörd   

divarına   acımadan  sirdaş   edən   " övladları " ,  " yaxınları "    qayıdacaq   deyə ,  

ağuşuna   sığınarlar   yolların !

   

     Haqsız    səbəblərdən , mərhəmət   edilmədən   tərk    edilmiş   valideyn   naləsi   

hopub   qocalar   evinin   hər   küncünə ,  hər    daşına ,  hər   divarına .  
Kimsəsizliyin   ağır   yükünü    daşıyırlar    ahıl   çiyinlərində ,  gücləri   tükənsə   
belə .  Titrək ,  qabarlı   əllərinə ,  bəyaz    saçlarına    yansıyan    hüzün   
və   dualar   qucaqlayar   onları   " övladlarının "     yerinə .  Keçdiyi   həyat   
yollarına  birər - birər   xatirələrdə    qayıdar ,  bu   evin  sakinləri . Həmin  
xatirələr    həmdəm   tək   həmsöhbət   olar   onlarla .  Amma   dünyaya    
gətirdikləri ,  həyatı    tanıtdıqları ,  yeriməyi   öyrətdikləri ,  daim   qoruduqları ,  
ən    böyük   günahlarını  bağışladıqları    " övladları " onların  xatırəsini    belə    
nankorcasına   silər   yaddaşından .  Ata - ananı   sağikən    kimsəsizlik    məzarına   
gömər !..

   Məhəmməd   Peyğəmbər   ( s.a.s )   buyurub : - " Allahın  razılığı    valideynin   

razılığı ,  qəzəbi   valideynin   qəzəbi    ilədir . "  Hədislərin   birində    deyilir   ki ,  

ata - ananın   övladın   üzərində   hansı   hüquqa    malik    olduğu   haqda   
soruşduqda   Rəsuli   Əkrəm  ( s )   belə   söyləyir : - " Onlar    sənin   həm   
cənnətin ,  həm   də   cəhənnəmindirlər . "    Valideynə   qoyulan    hörmət ,  
göstərilən    qayğı ,  bəslənən   sevgi   TANRI   dərgahında   ən    uca   məqamdı .  
Təəssüf   ki ,  bu   haqqı   tapdayan   nankorlar  da  var !

    Həyat   çox   qəribədir ,  çox   amansızdı .  Təzadları   çəkilməzdi !  Elə   evlər   
var  ki ,  ananın  isti    nəfəsinə ,  atanın   ayaq   səsinə   həsrət   qalıb ,  elə   qapılar
da    var  ki ,  valideyn  əli    döydüyü    üçün   narahat   olur !!!  HƏYAT   bumu ,  

bumu   İNSANLIQ !!!  Elə   yaşayaq  ki , vicdan   məhkəməmiz  UNUDULMUŞ  
DUALARDA   VƏ   AYAQ   SƏSLƏRİNDƏ   QURULMASIN !!!

              

                      Ana   duasını ,  ata   nəfəsin .

                      Qocalar    evinə    sakin   etməyin !

                      Onların    müqəddəs   ayaq    səsini ,

                      Qocalar    evinə    sakin    etməyin !

                              

                                                        YAQUT     HÜSEYNOVA   

" ƏSGƏR DÜŞÜNCƏLƏRİ "

Bilirəm ,  pəncərə   önündə   durub ,

Yolumu   anbaan   gözləyir   anam .

Gələndən ,  gedəndən   o ,  məni  sorub ,

Həsrətdən    qəlbini    közləyir   anam !

                                      YAQUT      HÜSEYNOVA

" BİR PAYIZ XATIRƏSİ ... "

   Payızı   çox   sevirəm .  Sevgi   etirafının   dilə   gəldiyi   bir   məhəbbət   nağılına  

bənzəyir  bu   fəsil .  Varlığında   İLAHİ   eşqin  əsrarəngiz   zərrələrini   təbiətə   

əta   edər .  Könüllərin   hüzur   dolu   məkanına   çevrilər   qızılı   payız . Gəlişiylə  

içimizdəki   bütün   mənfilikləri   ayağımız   altında   xışıldayan   xəzəllər    tək   

parçalayar .  Təbiətin   sükutunda  xəzəllərlə   örtülmüş   yollarda    özümüzə    

hesabat   verərək   yürümək ,  mənəvi    rahatlığa    qovuşdurar   bizi.  Ruhumuz   

dincələr    bu   sakitlikdə .  Özümüzə   qayıdarıq . Bəzən   də   payız    kimi   
kövrələrik ...  İç   dünyamıza   çəkilərək ,  qəlbimizlə    həmsöhbət   olarıq .  
Duyğularımızı   qətrə - qətrə   çözməyə    çalışarıq .  Fani   dünya   ilə    
əbədi   həyat   arasındakı   təzadlarda   incələr   həqiqətlər . Mənfəətimiz ,  
dünyəvi    hisslərimiz   atdığımız    hər    addımda    ONA     doğru    gedən   
vahid    yolumuzu    haçalasa   da ,  yeganə    həqiqət - hər    başlanğıcın   öz    
sonunu ,  hər    sonunsa   öz   başlanğıcını    YARADANDA   tapmasıdır !

     

    

    Son   baharda   tanıdıq   bir - birimizi .  Yağmurlu   bir   gündə   söylədin   

mənə  " SEVİRƏM ! "   kəlməsini .  Şahidimiz   rüzgarlar   oldu .  Tanışlıqdan   

dostluğa   qədər   getdiyimiz   yollarda   sevgiyə   qucaq   açdıq .  Dostluqdan   

başladı   aramızdakı   bağlılıq ,  hörmət   və   səmimiyyətdən   yarandı   

məhəbbətimiz.  Yaşadığımız   hər   anı   paylaşdıq . Birlikdə   sevinib ,  birlikdə   

kədərləndik .  Həyata   baxışımızda   birləşdi   duyğularımız . İnciyib   küsmələrimiz
belə ,  bizi   ayıra    bilmədi .  Gözlərimizdəki    sevinci ,  qəlbimizdəki   səadəti   

izləyən    ayrılıqdan ,  istəsək   də   qaça   bilmədik !  Sonunda   sevgimizin   
imkansız   olduğunu    anladıq .  " BİZ "    kəlməsini   var   etmək    istəsək   də ,   

bunun   mümkünsüzlüyünə    vardıq !..

      SEVƏRƏK    qovuşan    yollarımız ,  SEVƏRƏK    ayrıldı .  Və   qəlbimizdə   

xatirələr   xəzəlinə   dönən ,  BİR    PAYIZ    XATIRƏSİ    QALDI !.. 

                                                YAQUT     HÜSEYNOVA

" ÜÇÜMÜZ OLAQ ! "

   Həzin   bir   gecənin   ağuşuna  sığınmışam .  Səma ,   sanki    dalğalı    dənizi    
xatırladır .  Ulduzlar    xəyallarım    tək   səpələnib   asimana .  Sənsiz    səninlə    
olan   dünyamın   dünənindən ,  bu    günündən    sabahına    gedən   yollarında   
sevgimlə  başbaşayam .  Könül   həmdəmim    duyğularımı    köksünə    
köçürdüyüm    ağ   vərəqlər ,  ülvi    məhəbbət   nəğməmi   dillərində    
sətirləndirdiyim    pianinam ,  bir   də    təqvimdən   qopub   düşən   həsrət     
damlalarıdı .    

    Sevgi   nağılım   səninlə    başladı .  Şirin    duyğulardan ,  arzulardan ,  
sonsuz   ümidlərdən hörülən   çələng   tək   düzüldü   saçlarıma .  Hər   anım   
bu    gözəl    röyanın   saflığıyla   rəngləndi .  Gülüşlərimdə    dindi ,   günəşin   
al   şəfəqləri .  Sevdim ...  Sevdim    Səni ...   Və   sevgi    nağılımın   yalnız   bir   
adı    vardı : - " SƏN ,  MƏN ,  bir   də   balaca   mələyimiz !.. "



                                                       YAQUT      HÜSEYNOVA

" DEMƏK Kİ , BORC VERİR LAYLANI ANA ! "

Beşiyin   başında   bir   gün    söylənən ,

Arzuya ,  duaya ,  sevincə   dönən ,

Zamanı    çatanda    dildə    göynəyən ,

Demək   ki ,  borc    verir    laylanı    ana !

             Qolları   üstündə   bizi    uyudan ,

             Hər   səhər   oxşaraq    bizi    oyadan ,

             Sevincdən    yaranıb ,  qəmə   qayıdan ,

             Demək   ki ,  borc     verir   laylanı   ana !

O   şirin    laylanın    həzin    nəğməsi ,

AZAN     tək    könlündə    ucalar    səsi ,

Anılar    sətrində   sözü ,  kəlməsi ,

Demək   ki ,  borc     verir   laylanı   ana !

                                          

                                                          YAQUT     HÜSEYNOVA

" BİR KÖRPƏ BÖYÜYÜR ... "

    Bir   körpə   böyüyür . Gülüşlərini    əhatələyən   acılardan   xəbərsiz .  Gülər   
dünyaya . Təbəssümüylə ,  şıltaqlığıyla ,  dəcəlliyilə ,  şirin   qığıltılarıyla    
danışar    arzularından , sevgisindən .  Böyüyür     damla - damla    hər    gün    
gözümüzün   önündə .  Boy   atır ,  rəngli   dünyasında .  Gah    ağlar ,   gah    gülər ,
gah    da     şikayətlənər    hər    şeydən .  Böyüyər   sevgiylə ,  ümidlə ,  sonsuz    
dualarda   dil   açar    baldan    şirin   sözləri .  ƏFSUS !  Atdığı   hər   addımda    
donar    dilə   gələn    sevinc   nəğməmiz .  Yaşayar    öz   dünyasında .  Körpə   
təxəyyülü    ilə    dərk    etməyə   çalışar    gördüklərini .  Bəzən    sakit - sakit    
dayanar ,  bəzən də    şirin    ləhcəsində   " ah "    çəkər .  Dağları    əridər   
onun   sükutu ,  göylər   də   susar   günahkarlar    tək ,  ulduzlar    qadasın    alar   
öz   nuruyla .  Günəş   əzizlər   istisiylə ,  Ay   gecələrinə   nağıllar   danışar .   
Ovutmağa    çalışar    gözlərindəki    həsrəti ...  Amma ... Amma yetməz    bütün   
bunlar   onun    gözlərindəki   özündən   xəbərsiz    olan    " ata "   kəlməsinin   
yoxluğunu   unutdurmağa .  Yanar    qəlbimiz ,   bu   ağrıyla    gülərək    yaşayıb , 
heç    nə   olmamış     kimi    davranarıq .  Yalnız   o   körpənin    xatirinə ...   
Oyuncaqlarıyla   oynadığı   zaman   belə   gözləri    yol    çəkər ,   uzun - uzadı    
qapıya    dikilər . Sanki   duyurmuş kimi, dərk    edirmiş    kimi    olanları .

     

    Bu    mənzərə    cəhənnəm    odundan   betər .  Günlərlə   xəstə    yatar ,   
ürəyimizi   ayağının   altına   döşəsək   də ,   gözlərinin    dərinliyində   gizli    
həsrət    dillənər .  " ATA "   adına   layiq   olmayan    birinə   ünvanlanmış   
" ATA "    kəlməsi !..   TANRI    sevgisiylə   bəzənən   gülüşlərində   dünyamıza    
güc   gələr ,   həyatımıza   məhəbbət   çökər ,  aldığı   hər   nəfəsində yaşayarıq .  
Bapbalaca    əllərindən   tutub  birgə   addımlayarıq ,  ümid    dolu   sabahlara   
doğru ...   ƏFSUS ,  yer    üzündə  eyş - işrətə    satılmış   milyonlarla   körpə   
var .  Belə   valideynlərə   söylənəcək   yalnız    bir  söz    var ,   o   da   LƏNƏT !

                                           YAQUT      HÜSEYNOVA

" UCA ALLAH "

Əsirgəməz     mərhəmətin ,
Yer     üzündən    Uca   ALLAH !
Günəş     etdi    məhəbbətin ,
Bu     dünyaya    Uca   ALLAH !


             Yazdı    alın    yazısını ,
             Etdi     ulduz    ziyasını ,
             Namərdlərin     cəzasını ,
             Verdi    hər    an   Uca    ALLAH !


Çeşmələrin    suyu    duru ,
SEVGİ - qəlbin   saf   bülluru ,
Gecəmizə    aylı    nuru ,
Bəxş   elədi    Uca    ALLAH !



                                                          YAQUT     HÜSEYNOVA

" SÜKUTUM DANIŞDI "

Təsadüf   üz -  üzə   gətirdi   bizə ,

Beləcə   tanıdıq    bir - birimizi ...

Ürəkdə   iz   salan   öz   yerimizi ,

Bəs   niyə ,  yox   etdik   biganələr   tək !

                Bəzən    bir     dost   kimi   güldük ,  danışdıq ,

                Bəzən   də   inciyib ,  küsüb ,  barışdıq ,

                Ən    gözəl    duyğulu    yolları   aşdıq ,

                SEVGİSİN    gizlədən   divanələr    tək !

Bir    payız    günündə    başladı ,  amma ,

Çevrildi     nağıla ,  dönüşdü    kama .

Çox    sevdim ,  bağlandım ,  məni   qınama ,

SÜKUTUM     danışdı    viranələr    tək !

                                              

                                        YAQUT      HÜSEYNOVA 

" NƏĞMƏ OLAYDIM "

Ulduzlar    uyuyub ,  söküləndə   dan ,

Səba    tək    günəşə    kaman   çalaydım !

Baharda    güllərə   qəlbini    açan ,

Bülbülün    dilində   nəğmə   olaydım !

                                      YAQUT     HÜSEYNOVA

" BAĞIŞLA "

Qəlbimdə    bil ,   artıq   yeri   qalmayıb ,
Sevgiylə   andığım   adının   belə !
De ,  niyə ,  bu   qədər   yaşananları ,
Çevirdin   nifrətə ,  sən   bilə - bilə !


               Bacarsan ,  bağışla ,  acı   dilimi ,
               VARLIĞIN - ömrümün   hədiyyəsidi !
               Qırsan   da ,  nə   qədər   mənim    qəlbimi ,
               SAĞLIĞIN - arzumun ,  inan   bəsidi !


   
                                                          YAQUT     HÜSEYNOVA

" SİLAHIM ÇİYNİMDƏN ENMƏYƏCƏKDİR ! "

Qaçqınlar    içində   saçı   ağarmış ,
Mehriban ,  gülərüz   bir   ana   vardı .
Dilindən   süzülən    bayatılarla ,
Vətənsiz    dünyanı   zindan  sanardı .


               Kədərdən   döynəyən   mavi   gözləri .
               Əlvida    söylədi    dünya   nuruna .
               Vətənə    köklənən   qəmli    sözləri ,
               Çevrildi   qəlblərin   yanar   qoruna .


Vətən   həsrətiylə   yatağa   düşdü ,
Yaşamaq   ümidi   tamam   kəsildi .
Səngərdə   oğlunun  qəlbi   üşüdü ,
Elə , - ana ! -  deyib .  qəlbi   əsirdi .


            Vətənin   səsinə   səs  verən   oğlu ,
            Eşitdi   anası   xəstədir    yaman .
            Tələsdi ...  Ürəyi    ümidlə   dolu ,
            Möhlət    də   istədi   Ulu   Tanrıdan .


Vaxtında   yetişib    evə   çatanda ,
Uşaq   tək   ağladı   anasın   görcək .
Öpüb   üz - gözündən   əlin   tutanda ,
Duydu  ki ,  ayrılıq   yeli   əsəcək .


         Gücünü     tolayıb ,  ana   son   anda :
         - " Xoş   gəldin ,  ay   oğul ! "  -  dedi  gülərək .
         İşıqsız   gözündən   giryan   axanda ,
         Etdi    vəsiyyətin   dilə   gələrək :


- " Mən   getsəm   əbədi ,  demə   ki ,  təksən ,
Atan   da ,  anan   da    Vətəndir    sənin.
Yaxşılıq    adlanan   imarət   tik   sən ,
Yaradan   dadına   yetəndir   sənin !



        Bura   da    Vətənin    bir    parçasıdır ,
        Bil ,  mənə    əzizdir    onun    hər    kolu .
        Tək   Şuşam   könlümün   bitməz   yasıdır ,
        Oradan    başlamış   ömrümün   yolu .


Sən    məni   burada   torpağa    gömür ,
Qurbanam   yurdumun   hər   qarışına .
İnan  ki ,   Şuşasız   heç   oldu   ömür ,
Dərd   çökdü    Vətənin   bəyaz  qışına .


         Vətənə    həsr   elə ,  bütün   ömrünü ,
         Qoyma  ki ,  sarala ,   vaxtsız   bir    yarpaq .
         Yetışsə ,  ay    oğul ,  QƏLƏBƏ   günü ,
         Tez    götür , Şuşadan   bir   ovuc   torpaq .


Torpağı    gətirib    üstümə   tök  ki ,
İşıqsız   gözlərim ,  qoy   tez   açılsın !
Nigaran    ruhumun    qəmini   sök   ki ,
Qəbrimə    Şuşamın   nuru   saçılsın ! "


      Ananın   sözləri  sona   yetəndə ,
      Qovuşdu    əbədi    haqq   dünyasına .
      Sonuncu    mənzilə   tərəf   gedəndə ,
      Göylər   də   göz   yaşı   tökdü    yasına .


Diz   çöküb   məzarın   önündə   oğul ,
And   içdi   yanıqlı    haray  edərək .
Söylədi : - " Nifrətim ,   yenidən   doğul ,
Gücümü   səfərbər    ordu   edərək !   


        Ana ,  gözlərini   açmayınca   mən ,
        Bu    canım   rahatlıq    bilməyəcəkdir !
        QƏLƏBƏ   mülkünə   yetincə   VƏTƏN ,
        Silahım   çiynimdən   enməyəcəkdir !    
        QƏLƏBƏ   mülkünə   yetincə   VƏTƏN ,
        Silahım   çiynimdən   enməyəcəkdir !    



                                              YAQUT      HÜSEYNOVA

" DÜŞÜNCƏLƏRİM "

" Axının    əksinə   getmək ...  İnsanın   axının   əksinə   getməyinə   səbəb ,  ədalətsizlik   və   haqsızlıqlardan   qaçaraq ,   aradığı   həqiqətdə   yox   olmaq   istəməsidir . "

" İNAM    və  GÜVƏN    ümidlərin    doğrulduğu   zaman    yaranır . "

" İrəli    getmək    və   özün   olmaq   istəyirsənsə ,  ayağına    dolaşan   sarmaşıqlara    addımını   tanıtmağı    bacarmalısan ! "

" SƏHVƏ   öyrəncəli     addımların    yolları   da   haçalı   olar ! "

" Məhz    valideyn   sevgisi    və    nəvazişi ,   övladı    həyatda   yönləndirir . "

" Sınan   ürəyin   memarı   yoxdur . "

" Nadanlığa    qarşı   elm   əlində   qılıncın ,  ağılsa   qalxanındı ."

" Kimsəni   özün   kimi  düşünmə ,  çünki  çox   vaxt    fədakarlıq   bədbəxtliyə   gedən    yolun başlanğıcıdır . "

" Qarşındakına   bəslədiyin   hörmət ,  özünə   hörmətdən   qaynaqlanır . "

" İmkansız ,  lakin   istedadlı   insanlara    dayaq   olanlar ,  sağ    ikən   şəhidlik   zirvəsinə   ucalanlardı . Onların   bu    əməli   susuzluqdan   yanan   pöhrə   bir    ağaca   tökülən    su   kimi    ucadır . "

                                          YAQUT     HÜSEYNOVA

" BAYATILAR "

Əzizim    hardan   gəlir .
Eldən - obadan    gəlir .
Aşıq   oxur   yanıqlı ,
Səsi    uzaqdan    gəlir .


                    Şirin    sözümsən , Vətən ,
                    Odum ,  közümsən ,  Vətən.
                    İnan ,  sənsiz   koram   mən ,
                    İki   gözümsən , Vətən .


Novruzgülü   açanda ,
Ətrafa   nur   saçanda .
Həyat   gülür ,  nazlanır ,
Qaranquşlar   uçanda .


                 Bahar    qışa   dönəcək ,
                 Ömür   solub   gedəcək .
                 Yaxşılıqdan   dünyada 
                 Gül - çiçəklər    bitəcək .





                                                 YAQUT    HÜSEYNOVA

" LAYLAN SUSDU "

        ŞEİR   ERMƏNİ   VƏHŞİLİYİNİN   QURBANI   OLMUŞ   ŞƏHİD   

                              KÖRPƏLƏRƏ    HƏSR    OLUNUB !


Laylan    susdu ,  çalınmamış ,
Fəryad   etmə ,  ey   beşiyim !
Hədəf    oldun    güllələrə ,
Fəryad    etmə ,  ey   beşiyim !


                          Dünya   duysun   faciəni ,
                          Anaların    naləsini ,
                          CİHAD   eylə ,  haqq   səsini ,
                          Fəryad   etmə ,  ey   beşiyim !


                        

                                                         YAQUT     HÜSEYNOVA

" GÖZƏL QIZIM "

Günəşimsən , Ayımsan ,
Sən   TANRIDAN    payımsan ,
Ümmanımsan ,  çayımsan ,
Gözəl   qızım ,  gül   qızım !


                Qığıltındı   sevincim ,
                Həm   sədəfim ,  həm   incim ,
                Kama  çatmış   diləyim ,
                Gözəl   qızım ,  gül   qızım !


Bapbalaca   əllərin ,
Ləçəyidi   güllərin ,
Nəğməsi   bülbüllərin ,
Gözəl   qızım ,  gül   qızım !


              Laylalarda    dil   açır ,
              Arzularım   nur  saçır ,
              Səadətə    yol    açır ,
              Gözəl   qızım ,  gül   qızım !


Dualarım   bəzəyir ,
Beşıyini    çiçək   tək .
Mələklərə    bənzəyir ,
Gözəl   qızım ,  gül   qızım !



                                          YAQUT     HÜSEYNOVA

" SÖYLƏ KİMİN "

- Söylə ,  baba , güllər   kimin ?!

- Bahar   donlu   çəmənlərin !

- Qopuz    çalan   əllər   kimin ?!

- Oğuz   adlı   ərənlərin !

                 - Üstü   şehli   yarpaq   kimin ?!

                 - Ağacdakı   budaqların !

                 - Qartal   adlı  qoçaq   kimin ?!

                 - Uca - uca    mərd   dağların !

- Söylə ,  baba ,  torpaq   kimin ?!

- Torpaq - onu    əkənindir !

- VƏTƏN   odlu   ocaq   kimin ?!

- VƏTƏN - onu   sevənindir !

                - Bəs   etibar ,  vəfa   kimin ?!

                - Elə   sirdaş   olanların !

                - Cənnət    kimi   səfa   kimin ?!

                - Zəhmətdən    zövq   alanların !

- Alov   dilli  işiq   kimin ?!

- Gözümüzün   süvincidi !

- Qorqud  sazlı   aşıq   kimin ?!

- SÖZ   yurdunda   bir   incidi !

             - Barış    kimin ,  dava   kimin ,

             - Haq - nahaqqın  axır   sözü !

             - Udduğumuz    hava   kimin ?!

             - Dörd   ünsürdü   həyat   özü !

- Dünya   kimin ,   məşhər   kimin ?!

- Bağışlayan   TANRIMIZIN !

- Xeyir    kimin ,   bəs   şər   kimin ,

- TƏZADIDIR   dünyamızın !

                                                YAQUT    HÜSEYNOVA  

" ÇİÇƏKLƏR BAĞÇASINDA "

Bir    gün   bağda   çiçəklər ,

Qəzəbləndi   arıya .

Çətirlənən    ləçəklər ,

Bənzəyirdi     saraya .

                   - " Şirəmizi    çəkərək ,

                   Bal    verirsən    insana.

                   Bağban     bizi    əkərək ,

                   Həyat    veribdir   sana ! "

Arı   dedi   çiçəklər .

Biz   naşükür   deyilik .

Dinləyin ,  ey   ləçəklər ,

Qarşınızda   əyillik !

                 Həkk   etmışık   pətəyə ,

                 Yalnız   ALLAH    kəlməsin .

                 Qada ,   bəla    heç   zaman ,

                 TƏBİƏTƏ    gəlməsin .

" QURAN "  ın   ayəsində ,

Nəql    olunur   eşqimiz .

Zəhmətin    sayəsində ,

Yaşar    əmək    sevgimiz . "

               Xəcalətdən    qızardı ,

               Al    yanağı    güllərin .

               Ahəstəcə    ucaldı ,

               Nəğməsi    bülbüllərin :

- " Dayan ,  getmə ,  ay  arı ,

Gəl ,  bağışla ,  bizləri .

Ayırmasın    dostları ,

Dilin   acı    sözləri . "

           Arı   geri   qayıdıb ,

           Çiçəklərlə   barışdı .

           Göy    otları    oyadıb ,

           Təbəssümə   qarışdı .

                                                     YAQUT     HÜSEYNOVA 

" ŞAXTABABA "

Son   qış   günü    yağırdı ,
Hər   tərəfə   bəyaz   qar .
Kimsə   çöldən   çağırdı ,
Çox   sevindi   uşaqlar .


                      Çölə    çıxıb   gördülər ,
                      Şaxtababa   gəlibdi .
                      Hey ,  şənlənib   güldülər ,
                      - YOLKAMIZ    bəzənibdi ! 


Keçib   gəldiyi   yolu ,
Bir - bir   nağıl    elədi .
Şaxtababa   hər   kəsə ,
Xoşbəxt   həyat  dilədi .


                Bir   əfsanə    danışıb ,
                Körpələri   əylədi .
                Fikir   dağından    aşıb ,
                Şaxtababa   söylədi :


- " Dava    olan   çox   eldə ,
Səadəti   görmədim.
Didərgin   uşaqların ,
Könlün   ala   bilmədim .


            TANRIYA    yalvarıram ,
            Körpə   gözü    dolmasın !
            İli   yola    salıram ,
            Daha   dava    olmasın ! "



                                                  YAQUT     HÜSEYNOVA

" TÜLKÜ VƏ DOVŞAN "

Sizə ,   a   dostlar ,  nədn ,

Hiyləsi   baş  tutmayan

Uzunquyruq   tülküdən .

Bir  gün   yaman   ac   idi ,

Şikara   möhtac   idi .

Hey    əlləşir ,  çarpışır ,

Yenə    kələk   axtarır .

Axır   ki ,  tapdı   kələk ,

Ova   başlasın   gərək .

Gözləyirdi   anbaan ,

                                         

                     Gələsidir   boz    dovşan .

                     Bala   dovşan   keçərkən ,

                     Tülkü  dedi   "ürəkdən " :

                     - " Qəlbi   təmiz   şən   dostum ,

                     Səni   necə   unudum .

                     Gəl ,  biz    birgə   əylənək ,

                     Deyib ,  gülək ,  şənlənək . "

                     Dovşan   bildi   fikrini ,

                     Dedi    bircə   kəlməni :

- " Mənim    dostum   çoxdur   çox ,

Dosta   ehtiyacım   yox ! 

Get ,  özünə   yoldaş   tap ,

Çalış ,  özün   kimin  tap ! "

Ey   insanlar ,  dinləyin ,

Budur  canı   fikrimin :

- " İnsan   yalan   danışmaz .

Yalnçıdan   dost   olmaz ! "

                                      YAQUT    HÜSEYNOVA

" Gözlərdən oxunar hər bir həqiqət! "

      " Gözlərdi - ürəyin  danışan   dili! "  şeirimi  14  il  əvvəl,  2000 - ci  ildə   

yazmışam.      "Yaradıcılığımın  Günəşidi "  bu  şeirim.  Müqəddəs  Aşura  

günündə, 4  noyabr  2014 -cü  ildə  bu  mövzuda  " Gözlərdən   oxunar   hər   

bir   həqiqət! "  adlı  daha    bir  şeiri  yazmağı   Uca  Yaradan  nəsib  etdi   

mənə. Ədəbiyyatda   ən   sevdiyim   mövzudu   gözlərin  vəsfi,  tərənnümü  və  

fəlsəfi    anlamı.  Həmin   şeiri   sizlərə  təqdim   edirik.

Mənliyin   çözülər,  inan  anbaan,

GÖZLƏRDƏN   oxunar  hər  bir   həqiqət!

Xislətin   tanınar   baxışlarından,

GÖZLƏRDƏN   oxunar  hər  bir   həqiqət! 

                                                          Gizlədə   bilməyir,  yalanı  heç   vaxt,

                                                          Hayqırıb   danışır,  sən   susduğun   vaxt,

                                                          Arzular   quranda   ürəyində    taxt,

                                                          GÖZLƏRDƏN   oxunar  hər  bir   həqiqət!

Qəlbini   yansıdar   baxışlarına,

Çevrılər   payızın   yağışlarına,

Aldanma,  dünyanın   naxışlarına,

GÖZLƏRDƏN   oxunar  hər  bir   həqiqət!

                                                        Gah   boğar   nurunu   kini,  nifrəti,

                                                        Gah   da  ki   Günəş  tək   yayar   şəfqəti.

                                                        Bəzən  də   çəkdirər   o   məşəqqəti,

                                                        GÖZLƏRDƏN   oxunar  hər  bir   həqiqət!

Həqiqət   sanma,  sən   hər  bir   kəlməni,

Min   dona   girərək  azdırar   səni!

Çatdırar    ünvana   şirin   səsini,

GÖZLƏRDƏN   oxunar  hər  bir   həqiqət!

                                                                       YAQUT     HÜSEYNOVA